L-aħħar verżjoni tal-iPad tad-ditta Apple ħareġ b'teknoloġija viżiva ġdida msejħa retina display li tippermetti r-riproduzzjoni ċara ħafna tal-grafika. Minħabba dan l-Apple ħarġet regoli ġodda dwar id-daqs għall-qxur tal-kotba elettroniċi li jidhru fuq l-iBookstore; dan biex il-qarrejja li jużaw l-iPad il-ġdid ikunu jistgħu jgawdu kwalità ta' grafika ogħla. Fl-istess żmien l-Amazon ħarġet regoli simili għall-kotba mfasslin għall-Kindle.
Minħabba dan minn nofs Lulju Smashwords bdew jaċċettaw biss grafika li tkun mill-inqas 1,400 pixels wiesgħa. Għalissa qed jgħidu li l-qxur ta' dawk il-kotba li ħarġu qabel jistgħu jibqgħu l-istess, madankollu f'qasir żmien dawn se jkollhom jiġu aġġornati wkoll biex ikunu bid-daqsien il-ġodda.
Thursday, July 19, 2012
Daqsien ġodda għall-qoxra tal-ktieb
Wednesday, July 18, 2012
Il-Kategorija Aġġornamenti
F'din il-kategorija se ntella' aġġornamenti u tagħrif ieħor li niġbor bejn edizzjoni u oħra tal-ktieb.
Bħalma wieħed jista' jimmaġina d-dinja tal-ktieb elettroniku hija waħda li qed tiżviluppa u titbiddel prattikament kuljum, u xi ftit mill-informazzjoni li tinsab fil-ktieb elettroniku Kif Toħloq Ebook bil-Malti setgħet tbiddlet minn mindu ppubblikajtu.
Għalkemm biħsiebni noħroġ edizzjoni aġġornata aktar tard, huwa impossibbli li naġġorna l-ktieb ta' spiss. Għaldaqstant żviluppi ġodda li jsiru bejn edizzjoni u oħra l-ewwel nippubblikahom hawn. Dawk l-aġġornamenti li jkunu żdiedu wara l-pubblikazzjoni ta' edizzjoni partikolari jidhru fl-edizzjoni li jkun imiss.
Bħalma wieħed jista' jimmaġina d-dinja tal-ktieb elettroniku hija waħda li qed tiżviluppa u titbiddel prattikament kuljum, u xi ftit mill-informazzjoni li tinsab fil-ktieb elettroniku Kif Toħloq Ebook bil-Malti setgħet tbiddlet minn mindu ppubblikajtu.
Għalkemm biħsiebni noħroġ edizzjoni aġġornata aktar tard, huwa impossibbli li naġġorna l-ktieb ta' spiss. Għaldaqstant żviluppi ġodda li jsiru bejn edizzjoni u oħra l-ewwel nippubblikahom hawn. Dawk l-aġġornamenti li jkunu żdiedu wara l-pubblikazzjoni ta' edizzjoni partikolari jidhru fl-edizzjoni li jkun imiss.
Saturday, June 16, 2012
Għall-bejgħ minn fuq Lulu issa...
Il-Ktieb Kif Toħloq Ebook bil-Malti issa jinsab għall-bejgħ bħala dokument PDF minn fuq Lulu.com. Għal aktar tagħrif kif takkwista kopja tal-ktieb, ikklikkja hawn.
Saturday, June 9, 2012
Il-ktieb ħiereġ dalwaqt...
Kif Toħloq Ebook bil-Malti għandu jkun għall-bejgħ lejn nofs Ġunju jew ftit aktar tard. Iċċekkjaw hawn ta' spiss għal aktar aġġornamenti.
Il-ktieb se jkun għall-bejgħ minn Lulu.com. Se jkollu madwar 210 paġna u se jkun tal-format PDF, għaldaqstant ikun jista' jinqara fuq kompjuters normali (kemm PCs kif ukoll Macs) u fuq apparati żgħar bħal smartphones u tablets.
Għal aktar tagħrif dwar il-kontenut tal-ktieb, ara l-post Werrej ġenerali tal-ktieb.
Il-ktieb se jkun għall-bejgħ minn Lulu.com. Se jkollu madwar 210 paġna u se jkun tal-format PDF, għaldaqstant ikun jista' jinqara fuq kompjuters normali (kemm PCs kif ukoll Macs) u fuq apparati żgħar bħal smartphones u tablets.
Għal aktar tagħrif dwar il-kontenut tal-ktieb, ara l-post Werrej ġenerali tal-ktieb.
Friday, June 8, 2012
Werrej ġenerali tal-ktieb
Daħla
Il-proċess ta’ pubblikazzjoni elettronika
L-iżvilupp tal-qari elettroniku
Noti tekniċi
Noti lingwistiċi/ortografiċi
Tagħrif Bażiku
Il-format EPUB u l-format PDF
- Test fiss u test flessibbli
- EPUB jew PDF?
- Vantaġġi tal-format EPUB u formati flessibbli
- Żvantaġġi tal-format EPUB
- Vantaġġi tal-format PDF
- Żvantaġġi tal-format PDF
- Formati oħra
- Konklużjoni
It-tastiera tal-Malti u l-Unicode
- It-tastiera tal-Malti
- Il-fonts tal-Malti dari u llum
Ċekkjaturi u ortografija tal-Malti
- Preġji taċ-ċekkjatur Linux
- Nuqqasijiet/limitazzjonijiet taċ-ċekkjatur Linux
Żbalji komuni fil-word processing
Produzzjoni ta’ Test Fiss
Kelmtejn qabel
It-tifsila tal-paġna
- Id-daqs tal-paġna
Il-Binja tad-dokument
- Kif tissettja l-paġna f’dokument ġdid
L-istili awtomatizzati tal-Word
- Għaliex l-istili awtomatizzati?
- Kif tissettja stil ġdid
- Il-Paragrafu
- L-istili ewlenin għal dan l-ebook
Il-Werrej Ġenerali (ToC)
- Oħloq werrej ġdid
- Irranġa werrej li diġà jeżisti
Elementi estetiċi oħra
- Headers u Footers
- Paġinazzjoni
- Footnotes u endnotes
- Bookmarks
- Id-Drop Cap
- Karattri/sinjali speċjali
- Numerazzjoni awtomatika
- AutoCorrect: żbalji ortografiċi
- AutoCorrect: ifformattjar
- Sezzjonijiet differenti ta’ dokument
Kif toħloq PDF
- Microsoft Word 2007/2010
- Adobe Acrobat
- L-Adobe Acrobat fil-Microsoft Word
- Printer drivers
- Font embedding
Produzzjoni ta’ Test Flessibbli
Struttura ġenerali
Gwida Lulu
Gwida Smashwords
Gwida KDP
Kif toħloq EPUB jew MOBI
- Sigil (għall-format EPUB)
- 2EPUB.com (għall-formati kollha)
- Scrivener (għall-formati kollha)
- Programmi oħra
Grafika
Illustrazzjonijiet
- Punti x’tikkunsidra
- Biex iddaħħal illustrazzjoni f’dokument
- Biex iddawwar it-test madwar il-grafika
- Agħti caption lill-grafika
Kif tiddisinja qoxra
- Oħloq qoxra fil-Microsoft Office 2010
- Oħloq qoxra bil-GIMP jew bil-Photoshop
- Dehra professjonali tal-qoxra
- Nota dwar drittijiet tal-awtur għar-ritratti
Sottomissjoni tad-dokument
Pubblikazzjoni ta’ ktieb fuq Lulu.com
- Profil
- Bidu tal-proċess: tella’ d-dokument
- Agħżel numru tal-ISBN
- Iddisinja qoxra
- Iddeskrivi l-ktieb
- Iddeċiedi prezz għall-bejgħ
- Protezzjoni elettronika tax-xogħol
- Pubblikazzjoni stampata
Pubblikazzjoni ta’ ktieb fuq Smashwords
- Profil
- Sottomissjoni tal-ktieb
- Titlu u deskrizzjoni tal-ktieb
- Prezz u silta ta’ prova
- Klassifikazzjoni tal-ktieb
- Tags
- Format tal-ebook
- Il-qoxra
- Tella’ d-dokument
- Konferma/ftehim tal-pubblikazzjoni
- Wara s-sottomissjoni
Pubblikazzjoni ta’ ktieb fuq KDP
- Profil
- Kif tibda: tagħrif dwar il-ktieb
- ISBN u drittijiet ta’ pubblikazzjoni
- Kategorizzazzjoni u Keywords
- Il-qoxra
- Protezzjoni tal-ktieb
- Tella’ d-dokument
- Biex taġġorna d-dokumen
- Is-servizz KDP Select
- Is-servizz CreateSpace
Aktar dwar pubblikazzjoni
- X’inhu ISBN?
- X’inhi metadata?
- Ktieb elettroniku jew stampat?
- DRM jew le?
- Prezzijiet tal-ktieb
Wara l-pubblikazzjoni?
- Promozzjoni tal-ktieb
- Siti soċjali
- Sit elettroniku
- Blog
Sommarju
Il-Punti bażiċi
- Tagħrif bażiku
- Il-Malti
- Produzzjoni tat-test
- Grafika u ritratti
- Taqlib tad-dokument u sottomissjoni
- Promozzjoni ta’ xogħlok
- Biex tuża l-massimu tas-servizzi kollha...
Ħoloq
- Ħwienet elettroniċi tal-kotba
- Pubblikaturi/aggregators ta’ ebooks
- Proċessar/taqlib ta’ dokumenti elettroniċi
- Qarrejja ta’ kotba elettroniċi
- Grafika
- Siti ġenerali
Glossarju
Referenzi
Il-ktieb Kif Toħloq Ebook bil-Malti
Il-kotba elettroniċi saru popolari ħafna kemm minħabba l-isplużjoni fis-suq ta' apparati elettroniċi - kompjuters, smartphones, tablets - kif ukoll minħabba l-konvenjenza li joffru u, aktar importanti, l-aċċessibilità immedjata li għandhom.
Madankollu ftit li xejn għadna qed naraw kotba elettroniċi bil-Malti. Ftit żmien ilu ppubblikajt l-ewwel ktieb elettroniku tiegħi, u kien hemm min saqsieni dwar il-proċess kif wieħed jista' jfassal ktieb elettroniku u jippubblikah. Għalhekk dan il-ktieb.
Il-proċess fih innifsu jimplika xogħol u dedikazzjoni min-naħa tal-kittieb - s'hawn ma hemm xejn ġdid - madankollu b'dan il-proċess żdiedu ħafna ħiliet tekniċi li jistgħu jbiegħdu lil xi kittieb milli jagħmel dan il-pass f'għalqa kemxejn ġdida iżda li tista' toffri ħafna. U billi din l-għalqa hija għalqa teknika li titbiddel faċilment f'qasir żmien, ħsibt li ntella' dan il-blog biex inżomm lil dawk il-qarrejja interessati aġġornati bit-tibdiliet.
M'hemmx dubju li f'qasir żmien ikolli nippubblika edizzjoni ġdida tal-ktieb, iżda sadattant kulħadd huwa mistieden isegwi l-aġġornamenti hawn, jgħaddi kummenti u, nittama wkoll, suġġerimenti biex l-edizzjoni li jmiss tal-ktieb tkun aħjar.
Madankollu ftit li xejn għadna qed naraw kotba elettroniċi bil-Malti. Ftit żmien ilu ppubblikajt l-ewwel ktieb elettroniku tiegħi, u kien hemm min saqsieni dwar il-proċess kif wieħed jista' jfassal ktieb elettroniku u jippubblikah. Għalhekk dan il-ktieb.
Il-proċess fih innifsu jimplika xogħol u dedikazzjoni min-naħa tal-kittieb - s'hawn ma hemm xejn ġdid - madankollu b'dan il-proċess żdiedu ħafna ħiliet tekniċi li jistgħu jbiegħdu lil xi kittieb milli jagħmel dan il-pass f'għalqa kemxejn ġdida iżda li tista' toffri ħafna. U billi din l-għalqa hija għalqa teknika li titbiddel faċilment f'qasir żmien, ħsibt li ntella' dan il-blog biex inżomm lil dawk il-qarrejja interessati aġġornati bit-tibdiliet.
M'hemmx dubju li f'qasir żmien ikolli nippubblika edizzjoni ġdida tal-ktieb, iżda sadattant kulħadd huwa mistieden isegwi l-aġġornamenti hawn, jgħaddi kummenti u, nittama wkoll, suġġerimenti biex l-edizzjoni li jmiss tal-ktieb tkun aħjar.
Subscribe to:
Posts (Atom)